20件令人快樂的事

是日blog值得記下, 因為真係今日寫的.

今日在某facebook見到一個post - 20件令人快樂的post
http://hk.apple.nextmedia.com/realtime/international/20140711/52682604

英國《每日郵報》: 有酒店集團向英國2,000名成年人調查他們的快樂秘方, 以下是20件令人快樂的事:

1. 在衣袋裏意外發現零錢
2. 陽光普照
3. 購物時發現心頭好減完再減
4. 有乾淨床單可以睡
5. 獲得免費贈品
6. 忽然做了善心事
7. 預訂旅程
8. 被陌生人稱讚
9. 收音機傳來喜歡的歌曲
10. 完成一長串的工作
11. 吃朱古力
12. 翻看舊照片
13. 駕照考試及格
14. 駛入停車場剛巧看到另一輛車駛離
15. 一杯茶或一塊餅乾
16. 與久別的老友相約見面
17. 一片蛋糕
18. 避過塞車
19. 有人請你喝東西
20. 上司或同事嘉許你

你遇到過嗎？

20樣裡面, 只有"在衣袋裏意外發現零錢"及"翻看舊照片"能令我快樂, 因為執東東的時候試過執到幾拾蚊, 細細妹試過執幾百蚊.

這些生活瑣事，會令人回味過去, 過去的童年真的比現在快樂。

我真的想不到可以令我快樂的20件事, 幾件就會想到:
- 去旅行
- 回到小時候去過的地方
- 見到小姪仔

還有1件, 唔使做都能過活.

雖然現在是休息, 我真的很relax, 但亦擔心要休息多久.

面對死亡

本來想繼續回顧篇, 但lunch time後, 決定改題。

死亡, 對於現在的自己來講, 可以說是一件遙遠的事, 當然好多突如其來的事自己是未能預算。

今日食飯時間, 同事S說二年級兒子的同班同學因急病於上星期六離開了...佢係收到其他家長的EMAIL得知, 初時佢以為是世紀病毒。

雖然小朋友已有幾天沒有返學, 對於家長及其他小朋友都是好突然的事, 同事兒子從媽媽口中知道此事, 先呆了2秒, 然後便哭。今天佢有如常返學, 學校亦有社工及有一個特別的assembly。後來同事人知道這個7歲的小朋友被一些普遍的病毒,入侵心臟及其他器官,就這樣離開了。

雖然唔認識小朋友, 在回家坐車途中想起此事, 又令我想起祖母, 鼻子不禁一酸, 人生就是這麼的脆弱。

回顧篇 - 生活

兩年了, 都沒有什麼改變, 仍是一樣的家人, 一樣的生活, 一樣的工作......

想作個回顧, 先從生活說起。

想來想去, 不是在工作, 就是在家中上網, 2星期會出外做facial, 偶然會同親戚朋友出外食飯。

自己真的沒有什麼特別...

從電腦找來的2張照片。

2009年家中一盆盆栽找到的, 可能真的好耐無打理, 竟然長出一個菇, 當然現在已經沒有了


細細妹從家中客廳拍攝的。

很久不見了

心血來潮, 想回來看看。

選了幾篇幾年前寫下來的日記, 真的想不起自己當時的想法, 日記真的有用, 或許如果日後不幸失憶, 也可以尋回一點點的記憶。

花一段時間找回登入資料, 原來真的"離家"多年了, 第一件事要將blog改名為不定期事記。

日後再談！

電視......

好耐好耐都無睇過星期一至五晚上12點前的電視節目, 什麼畢打自己人, 總算睇過一兩集, 什麼學警狙擊, 到現時為止, 一集也沒有睇過, 會唔會浪費左d？

三八婦女節

每 年 3 月 8 日 ， 是 各 國 婦 女 的 節 日 , 是世界各國婦女爭取和平、平等、發展的節日。

she.com的解釋比較清晰易明:

三八婦女節的由來 早於20世紀初，差不多全世界的女工均忍受著惡劣的工作待遇及社會地位。1909年3月8日，美國許多婦女及社會團體，為了爭取男女待遇平等、縮短工作時間及享有選舉權等權益，在芝加哥舉行大型罷工及遊行示威，提出了工作8小時、休閒8小時及睡眠8小時的「三八制」，並組織婦女運動聯合會。是次活動更得到世界勞動婦女廣泛的支持和迴響。 1910年，在丹麥哥本哈根舉行的國際婦女大會上，各國代表就婦女的訴求達成共識，並訂下每年3月8日為「國際婦女節」，以團結全球婦女參與革命。而婦女節亦標誌著女性爭取應有地位和權益的成果，並紀念所有曾為女權作出貢獻的女性。

這是沒有假放的節日, 今年剛好是星期日, 可以放假。

龜龜食相

龜龜食龜糧

龜龜有菜食, 幾瘋狂!

龜龜眼超超! 龜龜話: 你又影我!

龜龜睡相

龜龜, 你做咩野啊？打斜左？

原來係訓覺, 打斜訓？ 好d咩？

朋友, 你怎樣？

在家中找回這個公仔擺設, 突然想起送禮的舊同事, 這是佢哈爾濱旅行時買的。

一個公仔。

內藏4個公仔。

最小的一個面目全非。

現在這個公仔又搬回公司。

雖然這個同事有點性格, 總好過其他口是心非的同事。

大霧

真的很大霧。

真病?假病?

觀察左龜龜一星期, 幸好天氣回暖, 佢都肯食菜, 但係唔知佢係未太老, 我要盅碎d龜糧佢先食。

其實佢d肉仲係有d紅, 唔知道佢係未敏感, 但連醫生都唔係太清楚。

龜龜, 你陪住我成長咁多年, 未來的10年 (如果更耐更好), 希望你能健健康康, 有你相陪才好。

0005.HK

一向不擅投資的我, 現在的投資環境對我沒有明顯影響。

現在工作尚算穩定,但外面的經濟環境真的差得很, 而且仲係全球性, 都係有點擔心。

匯豐控股, 一向都被人睇好, 如今下跌到這個地步 (跌過$70), 真的無人會意料到。

帶龜龜出街

近這一個月, 龜龜都唔食野, d肉又紅紅地, 在網上搵資料, 睇下講龜的blog, 都擔心龜龜有病。

香港睇龜的獸醫唔多, 大圍珍禽異獸及寵物醫院比較有名, 雖然路程較遠, 又book到時間,都要去一趟, 今次係龜龜第一次搭車出街。

去到診所, 都有幾個主人, 除了貓狗之外, 仲到有水魚, 倉鼠, 龍貓, 兔仔等, 果然係珍禽異獸。

首先係由assistant問龜龜有什麼問題, 由佢的生活環境, 食物同年齡都有問, 都頗詳細, 之後終於見醫生, 龜龜第一次見外國人, 眼甘甘望住人。

雖然我總算識英文, 幸好也有assistant 翻譯, 才可知道醫生講咩, 初步觀察龜龜沒有表面傷痕, 龜龜口腔好pink好靚, 細細妹講從來也沒有見過龜龜個口咁大, 可能醫生檢查左腳令佢唔舒服, 所以佢縮起右腳唔俾醫生檢查。

我問醫生既然龜龜表面無事, 咁巴西龜有多少年壽命, 佢話有30年, 所以"not ready to die"(這句係我聽得明的英文之一), 醫生recommend做個blood test, 半小時會有result, 想不到龜龜20歲, 身體都唔差, 磷鈣度好好, 只係白血球有點低, 醫生說佢感染機會唔大, 可能係因為體溫過低, 建議佢打針, 但我覺得抗生素唔太好, 所以唔俾佢打, 醫生就俾左一隻浸藥和建議佢照UVB燈, 今次使約$1400。

我同細細妹都放心一點, 龜龜仍是健康, 但心痛佢俾醫生抽血, 之後就去仲帶埋龜龜食日本野, 行左PP一陣才回家, 都幾累。

醫生就係開這一款浸藥。

浸藥中的龜龜。

新年回想

新年都過左一星期, 時間真的過的好快。

這2個利是封好靚

屋企盤水仙最靚的2朵花

病了????

寵物同小朋友病一樣, 佢唔識同你講佢唔舒服。

冬天應該已過, 龜龜應該過了冬眠時間, 雖然佢已經甦醒, 但係就唔食野, 連最愛的乾蝦仔都唔食, 佢望下龜糧, 又望下你, 佢望乾蝦仔, 又望下你, 話俾你聽佢唔想食。

龜龜, 你係唔係病呀？

年初三

五天的公眾假期已來到最後一天。

年初一同年初二, 細佬同佢老婆都有返屋企食飯, 佢地係婚後第一個農曆新年。

這個農曆新年都無做d咩, 訓覺對我來說是最好的。

要到4月才有長假放了。

年初二 - 花開富貴

今年沒有行年宵, 年花都是年三十晚團年晚後媽咪在屋企附近買的。

屋企的水仙, 年初一開始有花蕾。

祝賀

今日大年初一, 祝大家

年三十團年飯

今年的年三十比較特別, 以前都會在家中用膳, 今晚一家人和姨姨舅父一齊外出晚飯, 其實都是因為我有人工加, 大家開心一下。

酒樓的大魚缸, 有多條超大的魚, 心想是觀賞用, 還是上碟蒸, 不過都唔關我事, 我唔食蒸魚。


家中的魚缸兩條魚, 是用CANON G的fish mode拍的, 真係比較出色,

凌厲的眼神

此眼神來自龜龜, 佢好似好唔滿意我又偷影佢。