出走東京 - 前傳

雖然唔係第一次自己搭飛機, 2年多前的China Staff Meeting自己有stay behind 玩多幾日, 都有同同事一齊玩, 但回程的最後一日的下午都算是自己一個人架, 當日下大雨, 只去左酒店附近的商場,  今次係第一次自已去旅行, 整個trip係自己plan, 跳出自己的comfort zone

旅行準備

上網

我覺得係自由行必備, 酒店有wifi, 事前又已經check哂資料, 屋企人覺得無必要再租, 但是次係孤獨遊, 上網可以解悶, 我又要打機, 上網又可以找行程, 租wifi是必要的

在網上在其他人的facebook, 得知有wifi egg, 是其中租pocket wifi 的公司, 當時我計過都唔算貴, HK$68一日, 在香港Smartone 都要過HK$100一日

行程

在圖書館借左旅遊書, 又買左最新的旅遊書, 又參考左其他人的BLOG.

初初以為東京唔係好大, 原來都唔細, 分好多區, 初定新宿, 池袋, 原宿, 涉谷, 築地是必去的.

後來再參考一下, 東京, 上野, 淺草都可以去bor , 所以決定7日之旅, 去多D地方, 因為機票真的唔平

有幾個地方是自己想去

- 池袋 - 無敵家拉麵
- 新宿 - 蟹道樂
- 原宿- Kiddyland, Bills 食pancake
- 築地- 壽司大
- 一蘭拉麵 (無特定地區)
- last but not least - 有Hello Kitty的地方

交通

都係搭鐵路為主, 東京地方最出名的當然係JR, 睇下睇下, 原來鐵路都有分METRO同私人鐵路, 出口唔同, 我會出入的地方JR同METRO都會有用, 初初考慮one day pass, 但係又未必最抵用, 因為每日未必用好多景點, 所以都會買SUICA,  JR同METRO都可以互用, 搭車同買野都得,唔使下下買車票咁麻煩,

往返機場, 唔會搭的士, 因為好貴, 也不會選擇鐵路, 因為要上上落落自己一個人好論盡,  一個人第一次旅行, 我會以方便行先, 知道成田機場有機場巴士, 雖然每個地區只係停幾個地方, 選擇一個有機場巴士的酒店就最好了.

預先CHECK清楚景點與景點間的車程及費用, 做好schedule
http://www.welcome2japan.hk/arrange/transportation/

住宿

獨個兒去旅行, 好難買package, 所以在CX買機票, 在 agoda 訂酒店, 貴好多都無辦法

初到東京, 住邊區都好頭痛, 當然要好近地鐵站, 但又不能太貴, 到旅行社網站望下package的酒店通常都以新宿及池袋為主,  再在網上SEARCH一下, 本來想住新宿Hotel Sunroute Plaza Shinjuku, 但agoda已full (當時又沒有找其他網站), 所以選擇了池袋Hotel Metropolitan Tokyo, HK$1300一晚(連稅), 雖然比預算貴了少少, 但酒店位置真的很方便.

對面就係地鐵站了, 當然在地鐵站內都要行行行

拍照

一個人旅行, 自拍在所難免, 唔想張張相都大面變大頭怪嬰, 又想自拍影埋D景, 自拍神棍係好幫手, 排隊都唔使悶, 在樂趣店買, HK$69, 在淘寶更平

手信

Hello Kitty的東東是必然的, 仲有係Tokyo Banana, 藥妝品 (無得別, AD+洗面, 休足時間都係心水)

旅行喼是半滿, 準備買好多手信, 到時再算啦!, 畢竟旅行是充滿驚喜的.