安琪拉@blog不定期事記: December 2008

最後的2008 - 2007的翻版

今晚打算與R, G等人過除夕, 但是太多工作在身, 同佢地在Elements食飯, 自己係第一次去Elements, 在中環坐港鐵就最方便, 食飯地點係Full Moon, 幸好R先去搵位後, 否則都幾難搵食, 晚飯後, 佢地去酒店倒數, 自已就返office繼續工作, 與零食物語作伴, 與A緣慳一面。

2008年的11時59分了, IFC倒數開始了, 2009年0時0分了,維多利亞港兩旁大廈又有煙火表演,似乎同上年差唔多。

中環的街道, 凌晨了, 還是很熱鬧。

而我仍是獨自一人。

Labels: 生活

忙瘋了

這一兩個星期, 真的忙到甩轆, 忙到甩肺, 忙到癲!

一方面是自已放了一個悠長假期, 另一方面是同事亦開始佢地悠長假期, 除了完成自已的工作外, 最重要的是電話查詢簡直多到難以形容, 為何來電者要到現在才打來呀!

Labels: 工作

2008到2009

2008過多2日就會去到2009, 時間真的過得很快很快。

我都唔想作任何回顧或是對未來作什麼來年大計, 我知我只想開開心心, 齊齊整整, 平平安安, 就好了。

看似容易, 其實很難。

工作方面, 真的不知道會怎麼樣？

Labels: 生活

轉戰葵芳

同2個細妹行街, 通常都係旺角及銅鑼灣, 因為細妹覺得旺角d野平d, 尢其係太子的街舖。

幾年前媽咪去葵涌廣場睇中醫, 細細妹或細妹都會陪伴左右, 但當時都無認真行下, 前幾日佢地提議今日行葵涌廣場, good idea, 好耐都無行街喇!

佢地話葵涌廣場舖頭都係賣平野, 但款式會特別d, 唔同旺角個d成街都係, 咁又係。

今晚做冬, 未能盡興. 大家都約定下次再去。

Labels: 家人

Blog之感

這個blog已經有3年多了, 期間差一點便爛尾, 突然好想好想記下身邊的人和事, 令我還經營安琪拉@blog日記, 說起來自己也不太相信。

有睇開yahoo 人氣榜的朋友都可能知道有2個人氣blog的blog主決定封blog, 看來是因為一些無謂的留言, 2個blog也是講佢地2個可愛的小朋友, 其中一個blog主現在已復blog, 佢將自己個blog整理一下, 是blog友才能睇到, 而另一個blog主看來是復blog無期。

自己寫blog是因為想記下日常事, 與知己好友分享一下, 我唔介意朋友blog友探訪自己個blog, 亦非常樂意, 因為我相信朋友的朋友, 而只係唔係想跟唔一些不相關的人分享, 但是似乎在某search engine 可以搵到自己個blog, 雖然自已都唔會講一些唔見得人的事, 但始終都唔係想在search engine 任人睇。

Labels: 生活

Boxing Day

今年, 覺得自己過了一個不一樣的聖誕。

不可以用開心來形容, 因為感覺上圍繞自己都發生了一些自已唔太認同的事。

其中一件可以講的是: 自己仍在這個公司工作。

公司的聖誕花對我來講已不能夠增加任何節日氣氛。

Labels: 工作

Merry Christmas

Labels: 生活

工展會

今日, 同媽咪細細妹去工展會, 工展會好似係近幾年同媽咪必去, 今年細細妹公司有飛, 可以免費入場, 節省$30。

工展會有唔少試食, 我地都真係有用錢買蟹粉小籠包, 燒買同埋可樂, 首要任務係買麵, 通常都係買壽桃牌, 仲有買即沖奶茶即沖咖啡, 茶葉等, 最估唔到的我地買了一套5件的茶具, 都只係50元, 而我就買了1套2件的茶杯, 都只係20元。

好開心可以同媽咪同埋細細妹出街, 每年我都會同屋企人再來。

Labels: 生活

不一樣的工作日

今日上司C已經唔再在公司工作, 佢唔係放假, 而是......

其實事情發生於我回港那天, 同事L text 我話上司C resign, 我致電L, 佢話5:30 C俾dept head B和China Director入房, 之後就和同事E講今晚的event佢唔去了, 就執野走了。

我當然係好surprise, C都有出席第二日的Christmas Lunch , 難得佢咁大方。當晚我有打俾佢問問為何走也不講一聲, 之後佢講左一些我到現在都不太相信的事, 佢話係dept head B逼佢走, 叫我小心d這個陰濕的人。

檯面的東西仍在, 佢只係執左少少個人重要物品, 其他的沒有帶走。

似佢養的狗狗擺設沒有帶走

而我送俾佢的手信也沒有帶走

C的離開絕對唔係因為金融海嘯, 唔明白公司為這樣做, 雖然自己唔係第一次見到同事這樣離開, 但唔相信原本以為係好人的B會這樣做。

Labels: 工作

仍是放假天

四個字 - 放假真好。

12月24日 - 12月29日都係放假, 是2008年最後的假期, Compensation Leave制度改後, Compensation Leave唔可以同大假及公眾假期一齊放, 就少左好多連假了。

Labels: 生活

Trip to Okinawa - 手信篇

旅行真好, 雖然已是回港第二日, 仍是想著沖繩。

好多好多手信, 大部份都係食物

都有少少唔食得

買俾自已的

都係買俾自已的, 有兩條係細妹買俾人, 細細妹好鐘意, 剛巧我有同事在1月到沖繩, 可能叫佢代買

日本益力多

導遊推介的鎮痛膠布, 只是日本居民才可以買, 所以導遊叫司機代買, 佢到東京時要請司機飲酒了, ha ha, 我連呢d都唔放過

下面又係導遊的推介一 - 杯麵 (Milk Seafood味)

導遊的推介二- 柑橘汁

Labels: 旅行

Christmas Lunch

今日是公司的Christmas Lunch, 在Mira Hotel食Buffet, Tempura不錯, 係即叫即整。

除了每人有$300的cash coupon外, 每年都有抽獎, 在公司做了5年多, 每次都沒有抽獎運, 應該係無抽獎命, 公司20幾人, 有16個獎, 今次我竟然抽中, 仲要係大獎, 是Toy Watch一隻, 同事話價值$3000多元, 真係都無諗過。