海陸一日遊

今天帶學生會員到沙洲去睇中華白海豚, 早上下大雨, 我將公司的one call服務電話飛到自己的mobile, 竟然有一個不顧人感受的學生會員, 清晨6點打來問我說活動會否取消, 佢會唔會早左d呀, 其實之前同事有通知佢地除非3號風球或黑色暴雨, 否則活動會如期舉行。我也明白學生的擔心, 之後7時半陸續收到電話詢問。

首先當然是坐船去, 架船冷氣都幾大, 因都幾大風及大浪, 都幾暈, 食左暈浪丸都只是有少少幫助, 今天天氣不太好, 所以睇唔到海豚。

行程亦包括到流浮山食海鮮, 這一程是坐旅遊巴, 再到龍鼓洲、沙洲及濕地公園等, 無心理準備下都行左唔少路。

除了為公事影相外, 我都影左d風景相, 有機會再同大家分享。

死線

今天可尚算未登記成為我公司學生會員而要登記入會的deadline, 今天星期六返半日, 但電話及walk in 多到不得了, 都唔知點解d人係要到死線才來, 非常非常忙, 因新同事尚新, 唔知今天的情況會唔會嚇怕她？

有好多data entry 未做, 做開的part time 又唔得閒, 我就叫左細細妹來公司幫手, 佢會星期一上班, 預計返一至兩日左右。

今天都有幾個電話問明天睇海豚會否取消, 明天天氣會點？睇海豚能不能成行？明天自有分曉。

工作、工作再工作

明天星期六是長週, 要返工。

星期日因舉辦了一個為學生搞的睇中華白海豚的活動, 又要on duty。

下星期一至五又要上班, 直至再有星期六及日才可以真真正正的休息。

原本這個活動不是我出席, 而是我曾經提及的偷懶AA出席, 她說會暈船浪, 所以經理要求我去, 我說:「o我」, 都唔知偷懶AA係唔係唔想佢就話自己暈船浪,因我記憶中她曾向我想請半日隻話同朋友遊船河, 當時因另一個AA已經先請假, 所以佢就放唔到假, 我覺得佢知唔知道這個世界有暈浪丸及暈浪帶, 暈船浪真是一個藉口, 今天我無意中向經理提及我亦有預備私伙暈浪丸, 怕萬一自己會暈船浪, 偷懶AA面色一沉, 因經理望著佢, 佢會唔會覺得有點慚愧呢？

有時我真的不知道點解dept ｈｅａｄ 時常偏幫偷懶AA, 例如dept head以為佢如果這個星期六佢要調返工連續返三個星期六就說佢好辛苦, 我就澄清佢有一個星期六返公司上training, 公司人人都會有一次因training而要短週回公司, 我之前的星期六也是, dept　ｈｅａｄ　就無出聲，　我就日日要開ｏｔ，　今個星期仲要返十幾日工都無野, 都唔知dept　ｈｅａｄ　覺得我工作能力高，　定是偷懶AA工作能力低？我唯有用ｐｏｓｉｔｉｖｅ　ｓｅｌｆ　ｔａｌｋ　覺得佢能力低, 自己才會過的好d。

寫日記的好處

我的懶蟲又來找我了。

印象中看過一本雜誌的小小專欄有關講寫日記, 原本想找來抄考, 但找不到出於那本雜誌, 憑記憶文中提及寫日記可以令人記下每天的事, 但這是否真的好好呢？筆者提出日記寫下的事會令人不斷反覆思考, 令不開心的事纏繞心中, 就會鑽牛角尖了。

所以我寫blog報喜又報憂, 才得以平衡。

復工

我回來了!

最近真的忙得很, 都沒有停過。

今天坐在我前面的同事S小姐十分不舒服, 最後同事叫左白車送佢入醫院, 其實這一兩個星期, 佢已經唔舒服, 是耳水不平衡, 今天下午臨收工前, 她頭痛得很, 想嘔, 有無力, 高層都出來安慰佢, 差不多有7-8個同事圍住佢, by common sense, 一個病人真的要多些空氣, 當然佢身邊一定要有人陪住, 但7至8人圍住佢是沒有用的, 之後3個救護人員到了, 因S小姐個位後面有好多箱, 我見到其中一個救護人員好似入唔到個位, 我就主動問佢:「這些箱阻唔阻你。」, 佢答:「都唔會阻, 但移過一些會好d。」雖然阻的只有一兩箱, 但只有我同個救護人員搬, 其他同事就在看........

希望佢無事啦, 我同佢都唔係好熟, 但佢都在上個星期六向我提及佢好擔心自己有事, 我想佢都真係幾擔心。

停工(2)

連續第二天沒有寫blog, 但我不是罷工, 而是太累了。

停工原因:
今晚公司有seminar for potential student, 因報名人數比預期多, 怕新同事應付不了, 固我亦要參與。seminar原定由6:45 - 8:15, 因有4個參加人士不斷發問, 其他人都已離開, 佢地仲不斷問, 1個纏住我, 1個纏住新經理, 另外2個纏住dept head, 聽完個talk, 好似無聽過, 由頭問你一次, 最後要9:45才能走, 間房我只是book到8:30, 都唔知scope會唔會overrun的一個小時也會計錢, 不過如果佢地計都是天經地義。

晚上回家, 已經好累, 想溫習普通話, 但已經支持唔住了, 放棄了。

停工(1)

今天尚算是我第一天於當日沒有寫blog, 這篇是我於7月27日後加的。

停工原因:

家中的technician (即細佬)要整電腦, 但我唔知佢整咩。

小學同學

昨晚看Amy雜誌, Big Issue的題目是"小學同學"。當中訪問了幾對由小學相識到現在還是好朋友的朋友, 當中有講他們相識的經過, 還有兒時的照片, 相識咁多年, 當中有快樂, 亦有吵架的時候, 友誼的根基打得好, 很快又和好如初了。

看完之後都很羨慕他們的友誼可以維持到現在。現在, 我偶然也會和一個小學同學聯絡, 她亦是我的中學同學, 我們是透過另一個中學同學才會有聚會, 記得雖然自己和她在小學時不算是好朋友, 但上了一間陌生的中學, 友誼便從此建立, 雖然她中五時便轉校, 而相約機會不多, 但一聚首, 又會有數之不盡的話題, 始終我們是兒時相識的朋友。

出來社會做事, 世途險惡, 未必會向同事談心底話, 與同學相處, 會有一種心安的感覺, 好像是又返回讀書的時候。

Staff Training (2)

今天雖然是day off, 但下午2:00要返公司上training, 因本身公務纏身, 所以早了一個半小時回公司, 但似乎所做的事不多, 因有同事不停和我講野, 上完training, 我也有留低再做多一陣, 希望做得幾多得幾多。

講返training, 雖然今天的內容似乎對我較為有用, 但可能是時間有限, 所講的內容不夠深入, 大部份都是同事已知道的concept, 我覺得真的浪費公司的資源及員工的時間。

"周大福"變"Ice Fire"

因今早下大雨, 所以我在家隨手取了一把"周大福"的淺啡色長傘上班, 晚上到普通話專科學校上課, 將"周大福"長傘放在傘架上, 幸好離開的時間記得從傘架取回長傘, 但仔細一看, 竟然變了是一把"Ice Fire"淺啡色長傘, 它與我原來"周大福"長傘非常相似, 只是logo及扣不同, 我差不多是班上最後一個離開, 所以是先有人取錯我的傘, 但這把"Ice Fire"長傘都不錯, 唔知遲些"周大福"長傘會唔會再在我面前出現呢?

這個星期, 我都差唔多早了一個小時上班, 因有太多野未做, 晚上再上課都幾累, 今天課堂幸好都幾有興趣, 老師選了孫燕姿的遇見給我們唱, 然後分組比賽讀詞語,可以選指定組員讀, 輸了的那組(即讀錯最多的)就罰唱歌。

無賴會計師

今天原本都過得順順利利, 但近lunch time時有一個恃住自已是學生會員的女人, 遲還書唔肯交罰款, 真是掃興。

借書可以借2個星期, 續借一星期, 借書ｆｏｒｍ及書本亦有ｒｅｍａｒｋｓ，　但該學生會員遲左7日還2本書, 但她堅稱counter同事沒有講清楚，　令佢以為可以續借２星期，　不肯罰錢，　又多多理由，　最後我說既然如此，　她可以交１本書的罰款，　之後她仍說無理由叫佢交，　又說交了會費都沒有 ｓｅｒｖｉｃｅ．．．．．．最後她要求ｓｕｐｅｒｖｉｓｏｒ　同佢致電解釋，　結果佢都唔交，　換來的後果是佢半年內都唔可以借書。

都唔係好明白點解ｄ會員時常都以為自己好ｐｒｏｆ，　好巴閉，　時常對職員呼呼喝喝，　用一些不是理由的理由來解釋，　來得到自己想要的野，　真是無賴。

Fill in the blanks

最近寫的blog都是很短, 因最近都很忙, 時常都想工作方面的事, 都覺得沒有什麼值得記下, 但又不想不寫, 因為寫blog好似已經是我生活的一部份。

無野寫, 又唔想就此完了7月20日這篇blog, 最好就是抄, 正確來說應該是copy and paste。

較早前(5月初的時侯)收到一個email, subject是 fill in the blanks:

____ is better than the god.
_____ is worse than the evil.
if you eat ____,you will die.

It has to be the same word

the　answer:
Nothing is better than the god.
Nothing is worse than the evil
if you eat nothing, you will die

我相信有很多朋友亦有收到我forward的email, 一個nothing都幾好用。

新同事

新同事今天有上班。

今天都是大致講她的工作範圍, 詳細的工作都是要一路做一路學, 她都是一個醒目女, 看來都可以很快上手。

揭盅

經過今天的2nd interview, 最後管理層亦已confirm AA 的人選, 明天上班, 她是跟老公由加拿大回來的。她表現得好好, 我只是擔心她遲些又要跟老公到地方工作又要離職。管理層曾說過不會再請大學生坐reception, 不過這個她又是大學畢業生。

魚BB的下場

早前在我家出世的兩條魚bb, 其中一條體形較大的已於很久前不知所蹤, 至於較小的那條, 看見它一天一天長大都很開心, 它由原本的半透明變到和爸媽的顏色, 魚缸的魚每條都大過它, 都替它擔心會受到襲擊。

這一兩個星期, 我們都發覺似乎不見它的蹤影, 可能它已經遭遇不測了。

Staff Training

因現在市場競爭激烈, 所以公司於今日及下星期六的下午舉行Customer Service and proactive selling 的 training , 內容雖然都有趣, 但是大部份都是已知道的技巧, 只是用一個較有系統及名字化表達出來, 但是說真的$4000 一個人真的是不值。(雖然不用自己出錢)

普通話數字謎語

今天時間又是飛快地過, 終於shortlist 4位 candidate 於星期一進行2nd interview, 希望新同事可以盡快返工啦! Carol終於開口說可以幫手做一些pending task, 多一個人幫手都好過無。

繼panda 出謎語後, 現在我學以致用, 今晚上普通話學數字, 老師出了2條有關數字的題目, 而同學亦有出一條, 問題如下:

1) 3.5 (猜四字成語)

2) 3333 5555 (猜四字成語)

3) 三個十, 三個八 (猜一字)

答案將於明晚公佈。

心情幾好

今日的candidate完全唔掂, 5個中有1個人遲到, 有些英文是不太好, 幸好我和CAROL大部份的心水入圍cadidiates很相似, 不過我很奇怪為什麼A小姐可以入圍, 佢地高層話要請靚女, 但A小姐的外表雖然是ok, 但真的不稱得上是"靚女", 我懷疑是有人介紹的, 因有2位同事都曾問及她的表現, 問心個句, A小姐表現只是中上。

雖然我和公司都沒有性別歧視, 但始終Front Desk AA 的職位, 女性較能勝任, 但CAROL也有找2位男士見工, 一個雖然在美國/加拿大有名的大學讀書, 但沒有相類似的經驗, 而且個樣非常老, 當然不被考慮, 另外一個是新入職經理介紹的, 說是舊同事, 簡直都唔知佢憑什麼標準介紹舊同事來, 他連基本的英語對答都未得。

今天有一件非常特別的事發生, 就是一個"年精學懶"的AA被投訴, 是之前我提及過一個很懶但很懂擦鞋的AA - B小姐, 事情是在昨日發生, B小姐雖然是AA, 除了替吃飯及放假, 不用坐counter, 佢自以為是, 覺得之前的AA有很多不是之處, 但之前的AA離職後她就要坐counter, 我也不知道事情發生的經過, 因這個星期我也忙著見人, 我沒有牽涉在內。

大致是昨日有一位potential student交表時, 可能是溝通問題, 令該名 student覺得B小姐根本唔明佢講咩, 態度亦有問題, 原本這些麻煩的case會由我首先處理, 但因為我要見人, 所以由dept head 出馬, 最後當日同學的問題雖然能解決, 但今天Adm Dept就收到投訴Email, 聽講內容是B小姐根本唔明佢講咩及態度差, 更令我意外的是學生亦有投訴dept head 偏袒下屬, 雖然我覺得該同學態度亦有問題, 但據同事覆述, 2位當事人處理這件事都有問題, 據聞是次投訴調查是秘密進行。其實在昨日我亦收到一個由B小姐 transfer 的電話亦說佢不知所謂, 問非所答。

我不是一個幸災樂禍及心地不好的人, 但我竟然因為這件事, 心裡不禁暗暗高興 (我都幾變態!), 回家都忍唔住在OK買了$2.5紅豆軟雪糕"慶祝", 因為dept head 時常表現到對B小姐好好, 覺得佢"辦事能力高", 態度好, 時常在我面前讚佢, 又說之前已離職的AA辦事不力, 但據我2年來的觀察, 她的工作表現......但佢懂擦鞋, 經過這件事後, 真的不知事情發展會是怎樣!

忙碌、忙碌再忙碌

今天的candidate似乎比昨天的好, 有一個manager refer 左一個"男人" 明天見工, 這個AA是要於reception desk 工作的, 我不是性別歧視, 但如在這個職位請男人, 好似有點兒怪, 因是介紹的, 點都要見一見。

最近工作好似都沒有停過, 不斷地做, 不斷地做。

見工日

今個星期是見工日, 當然不是我本人見工, 是我見人。

今天有5個candidates, 總括來說, 只有一個合格, 我都不是一個以貌取人的人, 但是今天candidate的dressing 真的有點問題, 只有一個人是formal dressing, 其他亦不可稱得上是smart casual, 表現上都只是一般, 希望未來幾日的candidate會好些啦!

今天忙完見工, 又要忙清離職AA的pending case, 大家都知道要pick　ｕｐ　其他人的手尾，都須要時間去消化，　當然我亦有分一少部份給另一個AA跟進, 佢一向都是懶, 講多過做, 多少少野做就連隔離team都知, 今晚dept ｈｅａｄ 未走, 佢與她傾了一會, 她就不段向dept head 洗腦, 令人覺得佢有好多野做, 如果有時間講, 倒不如用時間來做, 我亦知道大家都workload 重, 但是不是得個講字有代表真係做左呢? Temp Staff 都會來做一些data entry的工作。

頭痛、頭痛

今天是沒有AA的第一個工作天, 真的十分忙碌。忙的是要跟進她的手尾。

今天要約一批candidate 於這個星期開始first interview, 希望可能請到一個好啦!最重要的是非公司同事介紹的。因另一個AA及我的直屬上司已經是與大中華最高領導人是認識的, 如果再加多一個, 我真的不知如何是好。

今早起床, 頭就開始忍忍作痛。

P.S. 剛剛在"奪命真夫"中有一句對白: 「懂人事好過懂辦事。」真的好適合形容這間公司的culture。

夕陽無限好

最近突然覺得時間過得很快, 中學時相識的同事已經相識超過15年, 自己出來社會做事都已經8年, 在現在的公司都已經2年多。

--------------------------------------------------------------------

夕陽無限好 陳奕迅
作曲:Eric Kwok 填詞：林夕

多經典的歌后　一剎眼已走
纏綿著青蔥的山丘　轉眼變蟻丘
這個剎那宇宙　拒絕永久
世事無常還是未看夠　還未看透

多好玩的東西　早晚會放低
從前並肩的好兄弟　可會撐到底
愛侶愛到一個地步　便另覓安慰
枉當初苦苦送禮　最艷的花萎　最後化爛泥

夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感
夕陽無限好　卻是近黃昏
高峰的快感　剎那失憾
風花雪月不肯等人　要獻便獻吻

多風光的海島　一秒變廢土
長存在心底的傾慕　可會夠細數
每秒每晚彷似大盜
偷走的青春一天天變老
只可追憶到 想追追不到

夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感
夕陽無限好　卻是近黃昏
高峰的快感　剎那失陷
風花雪月不肯等人　要獻便獻吻

好風景多的是　夕陽平常事
然而每天眼見的　永遠不相似

--------------------------------------------------------------------

時間飛逝, 好多好多事都很快很快咁過左, 時間已經唔多了, 真的要停一停, 想一想。

今日Audrey教英文, 教的是Proverb, 當中有一句是 "strike when the iron is hot", 即打鐵趁熱, 要珍惜時間。都幾配合今日的主題bor!

平安無事

總公司位於英國的London及Glasgow, 當日7月7日香港時間約下午6時, 同事致電於London的同事傾公事, 他們向同事提及倫敦的地鐵及巴士炸彈事件, 倫敦公司管理層都建議同事唔好離開公司, 剛巧將做6點半新聞, 大家都入conference room 看電視, 大家都覺得被訪的受傷者都似乎好鎮靜(抑或是受驚過度?), 管理層之後有向各International Offices 發email, 說大家都沒有受傷, 一切正常, 亦多謝大家關心。

春田花花大團圓襟章

今早經過OK, 又有新春田花花襟章推出, 但我今晚換購時, 竟然仍是之前的系列, 有空會再到OK嘗試可否交換。

今晚又要上普通話, 今日的課題是聲母之翹舌音, 嘩, 是我so far學過的最難記、最難分及最難發音的, 老師都要每人單獨說幾個, 我就發唔到"shi"音, 真的要好好聽帶及訓練。今日堂上有遊戲, 是有關數字的, 就是開口中, 第一次玩時, 我輸了(其實是最後時我沒有數字可以選擇), 就被罰講急口令, 都幾好玩。

今天工作方面, 就要跟埋離職AA的手尾, 原來她都有幾多野是pending, 雖然不是urgent, 如果俾dept head 知道, 又會話我平日沒有supervise佢的進度了。

人生可有知己

今天和朋友唱K, 到伊利莎伯大廈California Green, 因為這間唔係好多人, 可以唱得耐d, 但去到才知道竟然被人包了整個場, 職員說可以到其他銅鑼灣分店, 搭的士可能claim番錢。今晚K歌, 我最喜歡的是"人生可有知己", 我唱的版本是容祖兒在演唱會唱的, 歌詞好有意思。

------------------------------------------------------------------

人生可有知己 曲/詞: 李君筑

深宵了 呆坐客廳聽晚風飄
無言地想起往昔共知心談笑 渡過了不少春與夏夜了
都不見了 時間送走不少歡笑
隨年月長大人或事更改變 覓理想的心不再復現了
看人為了名利強迫自己 刻意逢迎獻媚
忘掉自我 拼命去假裝 騙人亦騙自己 最後也許是眾叛人離

看朋友己經變得陌生 不再傾吐心聲
唯獨是你 你待我真以心 相處共對以真 你令我積極繼續前行

想通了 人性美醜都不緊要
唯有盡本份 那管路彎風狂嘯 有你共我一起闖心己樂極了
人生路有知心一起共勉 伴我一起闖 不再寂寞了

------------------------------------------------------------------

持續低落

今日心情持續低落。

做什麼也提唔起勁, 其中一個原因可能是昨晚的電話, 另一個原因可能是公司AA於星期五便離職, 更令我唔開心的是該AA的責任心, 佢被dept head 話佢沒有道義及責任心時我都替佢不值, 但佢與dept head confirm 離職日期時, 曾答應她會清手頭上的工作及起碼會做好一個pending list於星期三(即今日)再與我交代, 我於昨日已再提及我會和她今天下午開始傾, 但我於下午5:30準備與她傾時她竟然沒有準備, 說某同事(當然係唔關事的同事)叫她可以不用做, 我真係被佢激死, 佢既然向dept head 承諾會做, 但是又沒有做, 之後受罪的是我。我真的要再仔細想想餘下2天她要交代的事項。

真有一刻覺得自己無用, 係"唔死都無用"個種, 但回心一想, 工作始終是工作, 不要太上心。

煩

煩字令我想起"麻煩"及"煩燥"。

我在工作不怕麻煩, 因工作始終是工作, 但我在日常生活是一個極之怕麻煩的人, 怕麻煩唔喜歡煮食, 怕麻煩唔想在放假時候出街, 怕麻煩又唔想找新的理想工作, 怕麻煩唔想做運動, 怕麻煩唔在blog中post image......

今次登入blog時好像可以直接從電腦upload image, 所以試試能否成功 (不過好像有點阻滯)。有時我想如果怕麻煩而唔做麻煩的事, 可能更加麻煩, 例如唔找新工作, 前途未見光明, 唔做運動就會一直肥下去。我開始有運動的興趣, 這2-3個星期我瘦了2 - 3磅, 雖然唔係好多 (總好過無), 但都是一個好開始, 加強我做運動的信心。

另一個煩是"煩躁"即是"忟憎", 今晚接了朋友A的電話, 初初都沒有什麼, 但說真的談話內容開始令的有點燥, 掛線後, 又再收到朋友A的電話, 佢又再解釋一番, 佢的語氣令我開始覺得佢又在找藉口及將不是之處推在他人身上, 我真的沒有耐性再聽, 我直接對佢說佢剛才亦令我十分"忟", 大家也覺得有火藥味就快快掛線了, 我知我是直接了, 但是佢一而再二而三咁講說話, 真的令我覺得好失望。現在怒氣還未消!

「壓」倒性勝出

一直都想同大家share 這篇於"Cosmopolitan" from the editor 專欄中提及水的短篇, 現在都是時候出現於Angela@blog日記了。內容大致是:

一位講師談及壓力管理時問:「一杯水有多重？」

各人意見也不同, ,講師則說:「這杯水的重量並不重要 ,重要的是你能拿多久？拿一分鐘, 大家都會覺得沒有問題, 拿一個小時, 可能覺得手部酸軟, 拿一天, 也許要召救護車了。」

「其實這杯水的重量也是一樣, 拿得愈久, 就覺得愈沉重, 就像我們承擔壓力一樣, 如我們一直把壓力放在自己身上, 不管時間長短, 到最後我們就覺得壓力愈來愈沉重, 以致無法承擔。」

「我們必須做的是, 放下這杯水休息一下, 然後再拿起這杯水, 那麼我們才能拿得更久。換句話說, 大家應該將承擔的壓力於一段時間後適時放下, 並好好休息, 然後再從新拿起來, 才可承擔長遠。」

上述的至理明言大家也許早已心領神會, 但能夠落實去做的到底有多少人？

真的好喜歡上述的短篇, 活在當下真的有意思。

回味

今天又是下午2:00才起床。今天都沒有什麼特別事做, 只是看看電視, 做做運動。

放假真好, 可以什麼也不想, 喜歡做什麼就做什麼, 有時都覺得自己幾懶。

昨天行街真的很開心, 可能太耐未行過旺角, 真的好回味。每次行街的心情都唔同, 星期六行街感覺較好, 因為第二日不用上班, 心情都可以輕鬆一點。我做人真的太緊張了。

又要練普通話了。

購物狂

今天星期六, 因想清一清手頭上的工作, 所以下午5:00 才下班, 有時真的不明白為何自己還要為這間公司做生做死。

下午約了細細妹行旺角, 很久沒有行九龍區了, 順道可於金魚街買龜糧。第一站先行旺角中心, 旺角中心是細細妹最喜歡行的地方, 因為價廉物美, 有時如我想找一些T shirt 或是一些普通衫都會到旺角中心一逛。我們未行夠兩層已經一袋二袋, 所以即時刻制自己, 再到朗豪坊進發。

其實細細妹是想到朗豪坊b+ab半價買袋, 故想到朗豪坊, 唔講唔知, 我是第一次到朗豪坊, 感覺好似到了一個好modern的商場, 我和細細妹雖然覺得有很多店舖, 但escalator似乎不太方便, 很多店舖也有半價優惠, 我們首先到b+ab, 細細妹想買的袋似乎唔係太靓, 但我在無心插柳下買了一件casual wear, 所以再到2%看看, 有個黃色的袋似乎較好, 有7折優惠, 細細妹都好鍾意, 但又覺得有點貴, 在猶豫之際, 我說我就當生日禮物送俾佢, 佢好開心呀, 踏出店舖門口後, 她好開心說真是想對我唱番一首"一秒感動", 細細妹真是容易氹。

最後我們再帶著疲乏的身軀再到今天最後的行程 - 金魚街買龜糧, 當然我們不忘到紅蘿蔔看鼠鼠, 之後便回家了。

雖然我們budget有限, 未能大買特買, 但今天過我好開心呀! 回想起我剛大學畢業時, 兩個細妹還在讀書, 我們約定他日我們都出來工作的時候, 一定要買到左手三袋右手三袋, 但現在兩個都未畢業, 約定已兌現了! 以前的約定真是簡單得幼稚!

時晴、時陰、時雨

今天下午2:30才起床, 終可以睡個夠。

開始打這篇blog時下大雨,接著很快就有陽光, 接著又天陰陰, 真是變化莫測!

人生都是這樣, 面對著不同的情景, 面對著不同的困難, 有時可以解決的, 有時亦會在煩惱中兜兜轉轉。在2005年工作裡, 心情都起起伏伏, 一方面真的好喜歡現時的工作性質, 但另一方面, 一邊看著公司現時的發展真的好局限, 甚至有倒退, 今年已有2位同部門同事辭職, 自己亦不是因為同事的離開而盟生去意, 其實這種感覺在2004年已開始, 總覺得總要為自己的前途著想。

現在又下雨了。