亂

一字記之日: 亂。

因小kate媽媽升職, 公司將會請人, admin同事已開始籌備加座位, 聽聞我會調位, 即又要執野了, 又是工作之一。

公司image

每一間公司也有image, 想不到現任公司也搞搞新意思, 英國總部design 的公仔, 香港marketing同事將這個公仔做一個luggage tag, 很特別, 很得意。

當然marketing同事也大搞宣傳, 大家見過這部電車嗎？

同事手信

同事去外地旅行, 通常都會帶一些手信, 大多都是食物。


日本的手信: 包裝精彩, 是白朱古力夾心餅。

英國同事來香港的見面禮: postcard朱古力, 很有趣

有朋自遠方來

大學時代認識的交流生朋友T會於11月中來港參觀佢朋友的婚禮, 順道大家可以聚一聚。

T是我在大學時讀一個psychology 的 course 認識的exchange student, 當時要做一個group project, 我不認識班中任何一個人, 坐在我附近的4位同學 (大家也不是major psychology的)便組成一組, 組名SABAT, 取自大家英文名首個字母, 這樣大家在半個semester便合作無間, 做了多個mini projects, T要回美國前, 大家也有出來踏單車fairwell。

想不到半個學期的相處, 大家仍可保持聯絡, 印象中T6年前應該也曾來港, 當時有一位組員A 在英國讀master, 另一位又唔得閒, 所以當時只是BAT的聚會。

很期待11月中的gathering, 但今次也不是齊人, S與老公在上海工作, 而我又未能聯絡B, 我會努力!

我們真的長大了

細細妹今年畢業了, 11月會行畢業禮, 11月左右會與家人到樹仁影相, 正如我和細佬當年畢業咁樣。

細細妹話樹仁不似中大咁大, 只得三棟building, 所以好快會影完, 我話大家亦可以到賽西湖公園影相亦可。

我話會送花, 佢話以為唔會有畢業禮物, 所以心想會做一些畢業帽比屋企的公仔作影相, 佢一定會帶3歲的生日禮物熊仔"人人搬屋", 能有一件陪住自己20年的物件, 真的好有紀念價值。

作為大家姐, 細佬結婚, 細細佬又轉了一份日間應該較有前途的工作, 細妹已經是一個做了兩年的護士(有新入職的姑娘仔比佢"蝦", 講笑), 連最細的細細妹都出來社會工作了, 自已好像仍是原地踏步。

小時候, 很難想像大家將來會變成點樣, 隨著細佬結婚開始, 畢竟, 我地5兄弟姊妹一齊長大, 遲早也有分開的一日, 將來我們又會那麼樣呢？

神探伽利略

星期日, 終於有神探伽利略睇喇!

主角是福山雅治及柴崎幸。 福山雅治飾湯川學, 協助警察偵破多宗離奇案件的天纔物理學家。他長相英俊、頭腦清晰、運動全能、身材高大、審美力出眾。卻是個怪胎。柴崎幸飾內海薰, 新加入貝塚北署的女刑警, 是一個性格與她的可愛外表完全相反的熱血派。她對前輩刑警草時非常尊敬，決心要成為一個像他那樣的警察。劇院就是圍繞著新人女邢警內海薰是如何在物理學家兼大學副教授“怪人伽利略”湯川學的幫助下破解各種離奇案件的。

福山雅治好似已經40歲, 仲好有型呀, 呢一句是兩位細妹講的。

三姊妹

今天難得三姊妹同遊旺角。

細妹昨晚返通宵, 今日是sleeping day,而我下午又不用留在公司, 趁佢訓醒前, 我和細細妹先遊旺角, 因為細細妹想買平底鞋見工, 行下行下, 就去了太子橫街舖仔, 大家都有戰利品, 再到聯合廣場與細妹匯合, 兩個細妹就最喜歡逛聯合廣場。

其實我地今日原本計劃行葵芳, 行旺角都行左唔少時間, "暢遊葵芳"唯有留待下一次啦!

公司女廁有......

前幾天公司女廁鎖匙唔見左。

大家都懷疑有外人偷匙安裝蔽路電視, haha, 當然係講笑。不過我印象中無人借鎖匙, 好似是郵差曾借過鎖匙bor, 聽reception同事講, 佢仲自出自入, 唔通......

之前, 男廁匙已經唔見左, 所以admin 同事買新的toilet key ring, 我覺得男廁匙好靚, 不過自已就無份用喇!

原居民Star Cafe

今晚超早收工, 當然工作尚未完成, 不過約了A及R食晚飯, 我地一個月無見了。

R介紹到佐敦柯士甸道原居民Star Cafe, 果然係好介紹, 共order 了3個set dinner。

頭盤:
- 生牛肉他他
- parma ham with melon
- 鵝肝醬

主菜:
- 蝦帶子意大利飯
- 香草羊扒
- 肉眼扒

之後order了2個甜品:
- hot chocolate cake with sorbet
- 梳夫厘

Openrice上的照片:

一定會再去。正正正!!!

很開心大家都無穿爛, 大家都期待下一次的飯局, 我很想再去小肥羊。

Canon G9

舊的CANON相機壞了, 細妹一直物色一部新相機, 趁細佬結婚, 加緊決心買Canon G9。

細妹在網上找的:

全新專業級數碼輕便相機 PowerShot G9，結合 DIGIC III 影像處理器及多項 PowerShot 系列型號前所未有的拍攝功能，包括強勁 1,210 萬像素 CCD 影像感應器、35 張人臉偵測功能及更精確自動對焦系統、優質的光學影像穩定器及第二代 PureColor LCD 顯示屏，可讓用家輕易拍出層次分明的亮麗影像，加上支援 RAW 拍攝格式，令後期影像編輯處理工作更加靈活。

它擁有六倍光學變焦鏡頭，遠攝端達210mm；同時亦擁有光學防手震、一千二百萬像素CCD，以及ISO 1,600感光度。(雖然都不知道這是什麼東東)

新相機拍出來的照片很清好靚, 有多拍攝模式, 大家正在學習中。

我最喜愛女歌手

新晉我最喜愛女歌手係王菀之、謝安琪。

我來自火星 - 王菀之



囍帖街 - 謝安琪



心中永遠榮譽我最喜愛女歌手仍是王菲及楊千樺。

Everyone - Mr.

每晚開OT, 都會聽香港電台的節目重溫, 節目都會有plug 新歌。

近期Everyone幾好聽, 初初以為是Eason或者是師兄唱的, 但原來是2008年新晉5人樂隊Mr。



現在的樂隊在香港很難生存, 不竟這是K歌年代。

休息

這一個月, 氣管唔多聽話, 又有咳, 食藥是好d, 但始終久唔久又會發作。

今早睡到10:00, 覺得"條"氣唔順, 又未能再訓, 最終都係要食藥再訓, 再醒已經是晚上6:00了。

Happy Birthday to J!

這幾年J的生日, 佢都會約好友一同渡過, 有時佢家人都在場, 今年就在旺角karaoke, 佢媽媽也有來。

今天上午要返工, 下午同事有一個event又要幫手set up, function 完了才有機會買禮物, 想一想已有好幾年同佢朋友一同慶生日。

不同的是我今天心情唔多好。

唔好笑我

大家唔好笑我, 我是沒有FACEBOOK, 連MSN也沒有。

點解? 因為覺得真的唔想放太多時間在電腦上。

細細妹時常都叫我: 大家姐, 快D開MSN同FACEBOOK 啦!

遲D再算吧!

大假

仲有10多天大假, 要好好計劃一下。

因細妹12月中有一星期大假, 而我又可以放假, 應該可能去旅行。

不過佢想去浮潛, 忌水的我, 可能未必同行, 視乎當時情況, 我也可以在船上吹海風。

留影集 - 廣州 my first trip to Guangzhou

第一次去廣州出trip是今年5月的事, 現在才有機會post 相。此行都頗輕鬆, 難得可以準時收工。

仍是...

我仍在這裡。

公司人事方面, 小kate媽媽已晉升成為dept head, 今天佢萬歲。這一面人事沒什麼改動, 但隔離team有兩位同事離職。

隔離team 3位AA, 似乎佢地部門上司沒有同佢地講要聽電話, 做左聾耳陳, 我仍是聽電話機器。

現在job market不景氣, 真的想明年初找新發展。

細佬結婚晚宴再一擊

因為細佬結婚擺酒有3圍酒席多出, 酒家可容許細佬於3個月內再惠顧, 趁媽咪10月10日生日, 今晚去再食補祝。

其實, 當晚細佬結婚有些時候都行來行去, 對食物都食之無味, 可以趁今日輕鬆品嚐, 味道也不錯噢!

怕

很想很想記下發生過的事, 近日荒廢blog務, 這一兩天, 突然回看自己某一個月的blog, 原來我在某日某時某地做某事。

到了我這個年紀, 可說是人生的一半, 說真的, 自己仍是一事無成, 幸好, 現在仍有我的父母及弟妹, 但是將來......

恐怕不記下, 總有一天會忘記。

我相信, 我珍惜現在的一切。

回歸、回想、回味 I'm back!

已有半年多的時間沒有回來, 看來這裡已經封塵了。

這段時間都有不少大事發生。

個人方面:

- 2007年7月和家人到南韓五天遊

- 2008年5月工作第一次出trip

- 2008年9月13日, 細佬結婚做老襯了

- 2008年9月和爸媽細細妹到澳門一天遊

社會大事:

- 2008年5月, 四川大地震

- 2008年8月, 北京奧運

- 2008年三聚氰胺毒奶及金融海嘯

朋友方面;

- 好像與他們少了聯絡

- SWT 莊友S&Y已有第二名小朋友

其中感受較深的是好友J先後失去了爸爸及婆婆, 而哥哥的身體又正在康復, 當中佢一定很難過, 我亦有出席佢爸爸的追思會, 作為朋友自己真的什麼也幫不上, 知道佢現在已okay, 亦放心了。

突然很想很想將這些事情記下。